ឯកឧត្តម យ៉ម ផារ៉ូត ប្រតិភូរាជរដ្ឋាភិបាល និងជាអគ្គលេខាធិការនៃ អ.ដ.ក. បានអញ្ជើញជាវាគ្មិនកិត្តិយសក្នុងវេទិកាជជែកដេញដោលស្តីពី "វិវាទពាណិជ្ជកម្ម និងយន្តការដោះស្រាយ តាមរយៈសន្ធានកម្ម មជ្ឈតកម្ម ឬតុលាការ" ដែលសហការរៀបចំដោយសមាគមបញ្ញវ័ន្តកម្ពុជាដេីម្បីអភិវឌ្ឍន៍, ក្រុមមេធាវី អាស៊ីកម្ពុជា, មជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម និងសភាពាណិជ្ជកម្មកម្ពុជា
នាព្រឹកថ្ងៃសុក្រ ៥ កេីត ខែស្រាពណ៍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៩ ខែសីហា ឆ្នាំ២០២៤ , ដោយទទួលបានការចាត់តាំងដ៏ខ្ពង់ខ្ពស់ពី ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធានអាជ្ញាធរជាតិដោះស្រាយវិវាទក្រៅប្រព័ន្ធតុលាការ (អ.ដ.ក.) ឯកឧត្តម យ៉ម ផារ៉ូត ប្រតិភូរាជរដ្ឋាភិបាល និងជាអគ្គលេខាធិការនៃ អ.ដ.ក. បានអញ្ជើញជាវាគ្មិនកិត្តិយសក្នុងវេទិកាជជែកដេញដោលស្តីពី "វិវាទពាណិជ្ជកម្ម និងយន្តការដោះស្រាយ តាមរយៈសន្ធានកម្ម មជ្ឈតកម្ម ឬតុលាការ" ដែលសហការរៀបចំដោយសមាគមបញ្ញវ័ន្តកម្ពុជាដេីម្បីអភិវឌ្ឍន៍, ក្រុមមេធាវី អាស៊ីកម្ពុជា, មជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម និងសភាពាណិជ្ជកម្មកម្ពុជា។ នៅក្នុងវេទិកាជជែកដេញដោល ដែលមានសមាសភាពចូលរួមជាអ្នកប្រកបវិជ្ជាជីវ:ក្នុងវិស័យច្បាប់ ពាណិជ្ជករ និងនិស្សិតច្បាប់ប្រមាណជា ១០០ នាក់, ឯកឧត្ដមអគ្គលេខាធិការ បានធ្វេីបទបង្ហាញស្តីពី "ការដោះស្រាយវិវាទដោយ អ.ដ.ក. និងកិច្ចសហប្រតិបត្តិការជាមួយស្ថាប័នដៃគូ" ដើម្បីធ្វើការចែករំលែកអំពីបេសកកម្មរបស់ អ.ដ.ក. ក៏ដូចជាលក្ខណ:ពិសេសនៃយន្តការដោះស្រាយវិវាទក្នុងក្របខ័ណ្ឌនៃ អ.ដ.ក. ព្រមទាំងការធ្វេីកិច្ចសហប្រតិបត្តិការរវាង អ.ដ.ក. និងស្ថាប័នដៃគូ សំដៅធ្វើឲ្យប្រសើរឡើងនូវយន្តការដោះស្រាយវិវាទក្រៅប្រព័ន្ធតុលាការ នៅប្រទេសកម្ពុជា។
