មន្ត្រីសម្រុះសម្រួលដោះស្រាយវិវាទនៃ អ.ដ.ក. ចំនួន ៣ រូប រួមមាន លោក គិម ពេជ្រដា, លោក វ៉ែន គន្ធា និងលោក ប៉ាក ចាន់ផល បានសម្រុះសម្រួលដោះស្រាយបញ្ចប់ដោយជោគជ័យនូវវិវាទពាក់ព័ន្ធនឹងកិច្ចសន្យាខ្ចីប្រាក់ ចំនួន ១ សំណុំរឿង ដោយមានការព្រមព្រៀងពីគូភាគីវិវាទ
នៅថ្ងៃទី១២ ខែកញ្ញា ឆ្នាំ២០២៤ មន្ត្រីសម្រុះសម្រួលដោះស្រាយវិវាទនៃ អ.ដ.ក. ចំនួន ៣ រូប រួមមាន លោក គិម ពេជ្រដា, លោក វ៉ែន គន្ធា និងលោក ប៉ាក ចាន់ផល បានសម្រុះសម្រួលដោះស្រាយបញ្ចប់ដោយជោគជ័យនូវវិវាទពាក់ព័ន្ធនឹងកិច្ចសន្យាខ្ចីប្រាក់ ចំនួន ១ សំណុំរឿង ដោយមានការព្រមព្រៀងពីគូភាគីវិវាទ។
ក្រោយពីបានទទួលពាក្យស្នើសុំសម្រុះសម្រួលផ្សះផ្សាវិវាទពីភាគីវិវាទ កាលពីដើមខែកក្កដា ឆ្នាំ២០២៤ នេះ, អ.ដ.ក. បានពិនិត្យ សិក្សា ស្រាវជ្រាវ ប្រមូលព័ត៌មានពាក់ព័ន្ធនឹងវិវាទ និងបានបន្តនីតិវិធីសម្រុះសម្រួលជាមួយគូភាគី រហូតឈានដល់ការដោះស្រាយបញ្ចប់វិវាទបានដោយជោគជ័យ ដោយគូភាគីបានព្រមព្រៀងគ្នា និងបានផ្តិតមេដៃលើកំណត់ហេតុព្រមព្រៀងបញ្ចប់វិវាទ នាពេលនេះ។
គួរបញ្ជាក់ផងដែរថា ផ្អែកតាមច្បាប់ កំណត់ហេតុព្រមព្រៀងបញ្ចប់វិវាទនៃ អ.ដ.ក. គឺមានអានុភាពអនុវត្តដូចសាលក្រមស្ថាពររបស់តុលាការផងដែរ។
