ថ្ងៃពុធ ទី១៨ ខែធ្នូ ឆ្នាំ២០២៤ មន្រ្តីសម្រុះសម្រួលដោះស្រាយវិវាទនៃ អ.ដ.ក. រួមមានលោក សេក សុវណ្ណ, លោក សុក ហៃ និងលោក ឡាយ អូន បានសម្រុះសម្រួលផ្សះផ្សាបញ្ចប់វិវាទមួយករណីពាក់ព័ន្ធនឹងវិវាទដីធ្លី បានដោយជោគជ័យ។
វិវាទពាក់ព័ន្ធនឹងដីធ្លីរ៉ាំរ៉ៃ ដែលអូសបន្លាយអស់រយៈពេល ១២ ឆ្នាំ ត្រូវបានសម្រុះសម្រួលផ្សះផ្សាបញ្ចប់ដោយជោគជ័យនៅអាជ្ញាធរជាតិដោះស្រាយវិវាទក្រៅប្រព័ន្ធតុលាការ (អ.ដ.ក.)
————————————
ថ្ងៃពុធ ទី១៨ ខែធ្នូ ឆ្នាំ២០២៤ មន្រ្តីសម្រុះសម្រួលដោះស្រាយវិវាទនៃ អ.ដ.ក. រួមមានលោក សេក សុវណ្ណ, លោក សុក ហៃ និងលោក ឡាយ អូន បានសម្រុះសម្រួលផ្សះផ្សាបញ្ចប់វិវាទមួយករណីពាក់ព័ន្ធនឹងវិវាទដីធ្លី បានដោយជោគជ័យ។
សំណុំរឿងវិវាទនេះ ពាក់ព័ន្ធនឹងដីមួយកន្លែងទំហំ ២០ ហិកតា ស្ថិតនៅខេត្តកំពង់ចាម ដោយភាគីវិវាទបានអះអាងពីសិទ្ធិគ្រប់គ្រងលើដីទំនាស់រៀងៗ ខ្លួន។ កន្លងមក គូភាគីបានធ្វើការស្វែងរកដំណោះស្រាយនៅស្ថាប័នមានសមត្ថកិច្ច និងតុលាការ ប៉ុន្តែនៅតែមិនទទួលបានជោគជ័យ។ ក្រោយមក ទើបនៅអំឡុងខែតុលា ឆ្នាំ២០២៤ នេះ ករណីវិវាទខាងលើ ត្រូវបានភាគីម្ខាងដាក់ពាក្យមក អ.ដ.ក. ដើម្បីស្នើសុំសម្រុះសម្រួលស្វែងរកដំណោះស្រាយដោយសន្តិវិធី។
អ.ដ.ក. បានពិនិត្យ សិក្សា ស្រាវជ្រាវដោយយកចិត្តទុកដាក់ និងបានដោះស្រាយបញ្ចប់វិវាទនេះ ដោយផ្អែកលើឆន្ទៈព្រមព្រៀងរបស់គូភាគី។
គូភាគីវិវាទបានសះជាជាមួយគ្នា ហើយបានផ្តិតមេដៃលើកំណត់ហេតុព្រមព្រៀងបញ្ចប់វិវាទ ដែលផ្អែកតាមច្បាប់ កំណត់ហេតុនេះមានអានុភាពអនុវត្តដូចសាលក្រមស្ថាពររបស់តុលាការដែរ។
