ថ្ងៃព្រហស្បតិ៍ ទី២៣ ខែមករា ឆ្នាំ២០២៥ មន្រ្តីសម្រុះសម្រួលដោះស្រាយវិវាទនៃ អ.ដ.ក. រួមមាន លោកស្រី ពេជ ចរិយា, លោក សុក ហៃ, លោក ង៉ាក់ ប៊ុនធី និងលោក ងន សុខជា បានចុះទៅចូលរួមអនុវត្តលទ្ធផលព្រមព្រៀងបញ្ចប់វិវាទនៅមូលដ្ឋាន ស្ថិតនៅភូមិកោះខ្នុរ ឃុំព្រែករកា ស្រុកកណ្ដាលស្ទឹង ខេត្តកណ្តាល។
អាជ្ញាធរជាតិដោះស្រាយវិវាទក្រៅប្រព័ន្ធតុលាការ (អ.ដ.ក.) បានចុះទៅចូលរួមអនុវត្តលទ្ធផលព្រមព្រៀងបញ្ចប់វិវាទនៅមូលដ្ឋាន លើសំណុំរឿងវិវាទពាក់ព័ន្ធនឹងកេរ្តិ៍មរតក ដែលបានសម្រុះសម្រួលផ្សះផ្សាបញ្ចប់ដោយជោគជ័យ
————————————
ថ្ងៃព្រហស្បតិ៍ ទី២៣ ខែមករា ឆ្នាំ២០២៥ មន្រ្តីសម្រុះសម្រួលដោះស្រាយវិវាទនៃ អ.ដ.ក. រួមមាន លោកស្រី ពេជ ចរិយា, លោក សុក ហៃ, លោក ង៉ាក់ ប៊ុនធី និងលោក ងន សុខជា បានចុះទៅចូលរួមអនុវត្តលទ្ធផលព្រមព្រៀងបញ្ចប់វិវាទនៅមូលដ្ឋាន ស្ថិតនៅភូមិកោះខ្នុរ ឃុំព្រែករកា ស្រុកកណ្ដាលស្ទឹង ខេត្តកណ្តាល។
ដោយមានការស្នើសុំពីគូភាគី និងដោយទទួលបានកិច្ចសហការល្អពីអាជ្ញាធរពាក់ព័ន្ធ, មន្ត្រីសម្រុះសម្រួលដោះស្រាយវិវាទនៃ អ.ដ.ក. បានចុះទៅចូលរួម និងសម្របសម្រួលការអនុវត្តលទ្ធផលនៃកំណត់ហេតុព្រមព្រៀងបញ្ចប់វិវាទ លើការផ្ទេរសិទ្ធកាន់កាប់អចលនវត្ថុ ក្នុងសំណុំរឿងវិវាទពាក់ព័ន្ធនឹងកេរ្តិ៍មរតក ដែលបានសម្រុះសម្រួលផ្សះផ្សាបញ្ចប់ដោយជោគជ័យ។
សូមគូសបញ្ជាក់ថា ផ្អែកតាមបទប្បញ្ញត្តិរបស់ អ.ដ.ក. មន្ត្រីសម្រុះសម្រួលដោះស្រាយវិវាទ ឬក្រុមការងារសម្រុះសម្រួលដោះស្រាយវិវាទ មានសិទ្ធិស្នើសុំកិច្ចសហការពីស្ថាប័ន ឬអាជ្ញាធរពាក់ព័ន្ធ ដើម្បីដោះស្រាយសំណុំរឿងវិវាទនៅក្នុងក្របខ័ណ្ឌ អ.ដ.ក.។
