នៅថ្ងៃអង្គារ ១៤កើត ខែមាឃ ឆ្នាំរោង ឆស័កព.ស ២៥៦៨ ត្រូវនឹងថ្ងៃទី១១ ខែកុម្ភៈ ឆ្នាំ២០២៥ លោក ជំទាវ ជា វាសនា រដ្ឋលេខាធិការ ក្រសួងយុត្តិធម៌ និងជាសមាជិក អ.ដ.ក. បានដឹកនាំកិច្ចប្រជុំសម្របសម្រួលដោះស្រាយវិវាទក្រៅប្រព័ន្ធតុលាការ អមដោយ លោកស្រី ហួត លីនដា មន្រ្តីសម្រុះសម្រួលដោះស្រាយវិវាទនៃ អ.ដ.ក. លើសំណុំរឿងវិវាទកាន់កាប់ដីធ្លី មួយករណី។

វិវាទដីធ្លីមួយករណី ត្រូវបានបិទបញ្ចប់នៅអាជ្ញាធរជាតិដោះស្រាយវិវាទក្រៅប្រព័ន្ធតុលាការ (អ.ដ.ក.)

---------------------------------------------

នៅថ្ងៃអង្គារ ១៤កើត ខែមាឃ ឆ្នាំរោង ឆស័កព.ស ២៥៦៨ ត្រូវនឹងថ្ងៃទី១១ ខែកុម្ភៈ ឆ្នាំ២០២៥ លោក ជំទាវ ជា វាសនា រដ្ឋលេខាធិការ ក្រសួងយុត្តិធម៌ និងជាសមាជិក អ.ដ.ក. បានដឹកនាំកិច្ចប្រជុំសម្របសម្រួលដោះស្រាយវិវាទក្រៅប្រព័ន្ធតុលាការ អមដោយ លោកស្រី ហួត លីនដា មន្រ្តីសម្រុះសម្រួលដោះស្រាយវិវាទនៃ អ.ដ.ក. លើសំណុំរឿងវិវាទកាន់កាប់ដីធ្លី មួយករណី។

ក្នុងខណៈពេលរង់ចាំភាគីម្ខាងទៀត លោកជំទាវ ជា វាសនា បានផ្តល់ការប្រឹក្សាយោបល់ផ្នែកចិត្តសាស្រ្ត ជូនដល់ភាគីវិវាទ ដោយផ្អែកលើមូលដ្ឋាននៃអង្គហេតុ និងអង្គច្បាប់ ក៏ដូចជាលទ្ធភាពនៃការឈានទៅរកដំណោះស្រាយវិវាទផងដែរ។

ជាលទ្ធផល ភាគីវិវាទបានពិចារណាលើហេតុផល និងជ្រើសរើសយកការបញ្ចប់វិវាទដោយខ្លួនឯង ដែលបានធ្វើឱ្យគាត់មានអារម្មណ៍ធូរស្រាល ជ្រះស្រឡះក្នុងចិត្ត​ និងមានកម្លាំង​ ថាមពលវិជ្ជមានឡេីងវិញ​ ព្រមទាំងបានថ្លែងអំណរគុណដល់មន្រ្តីសម្រុះសម្រួលដោះស្រាយនៃ​ ​អ.ដ.ក ដោយបានចាត់ការលើសំណុំរឿងរបស់គាត់ ប្រកបដោយការយកចិត្តទុកដាក់ ផ្តល់នូវទំនុកចិត្ត និងភាពកក់ក្តៅដល់រូបគាត់ តាំងពីដើមរហូតដល់ចប់។

ភាគីបានដាក់ពាក្យស្នើសុំមន្រ្តីអាជ្ញាធរជាតិដោះស្រាយវិវាទក្រៅប្រព័ន្ធតុលាការ (អ.ដ.ក.) បញ្ចប់វិវាទរបស់គាត់ ចាប់ពីពេលនេះតទៅ។

ព័ត៌មាន ថ្មីៗ

...

កិច្ចប្រជុំលើកទី ១២ របស់ អ.ដ.ក. អ.ដ.ក. នឹងសិក្សាអំពីការរៀបចំសេចក្តីព្រាងច្បាប់សន្ធានកម្ម និងពិចារណាស្នើបង្កើតឱ្យមានវិជ្ជាជីវៈថ្មីនៅកម្ពុជា ហៅថា "សន្ធានការី"
...

អ.ដ.ក. នឹងសិក្សាបង្កើតឱ្យមានការិយាល័យតំណាងរបស់ អ.ដ.ក. ចំនួន ១ ការិយាល័យបន្ថែមទៀត ស្របតាមគោលនយោបាយ បង្ខិតសេវាដោះស្រាយវិវាទ ជូនប្រជាពលរដ្ឋដល់មូលដ្ឋាន នៅតំបន់ជនជាតិដើមភាគតិច និងតំបន់ដាច់ស្រយាល
...

កិច្ចប្រជុំលើកទី ១២ របស់ អ.ដ.ក. សម្រេចនឹងធ្វើការជ្រើសរើសមន្ត្រីសម្រុះសម្រួលដោះស្រាយវិវាទស្ម័គ្រចិត្តនៃ អ.ដ.ក. មួយជំនាន់បន្ថែមទៀត​ ពិសេស​លេីជំនាញដោះស្រាយវិវាទពាណិជ្ជកម្ម
...

ក្រសួងយុត្តិធម៌ និងអាជ្ញាធរជាតិដោះស្រាយវិវាទក្រៅប្រព័ន្ធតុលាការ បានរៀបចំពិធីសច្ចាប្រណិធាន សម្រាប់មន្ត្រីសម្រុះសម្រួលដោះស្រាយវិវាទ ជំនាន់ទី៣
...

ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធានអាជ្ញាធរជាតិដោះស្រាយវិវាទក្រៅប្រព័ន្ធតុលាការ (អ.ដ.ក.) បានអញ្ជើញជាអធិបតី ដឹកនាំកិច្ចប្រជុំលើកទី១២ នៃ​ អ.ដ.ក.
...

លោកជំទាវ ជា វាសនា រដ្ឋលេខាធិការក្រសួងយុត្តិធម៌ និងជាសមាជិក អ.ដ.ក. បានអញ្ជើញជាអធិបតីក្នុងពិធីបិទវគ្គបណ្តុះបណ្តាលស្តីពី នីតិវិធី និងវិធីសាស្រ្តដោះស្រាយវិវាទក្រៅប្រព័ន្ធតុលាការ ដល់មន្ត្រីនៃរដ្ឋបាលក្រុងអរិយក្សត្រ ស្រុកល្វាឯម ស្រុកកៀនស្វាយ និងស្រុកខ្សាច់កណ្ដាល ក្នុងខេត្តកណ្ដាល។