អាជ្ញាធរជាតិដោះស្រាយវិវាទក្រៅប្រព័ន្ធតុលាការ អ.ដ.ក. បានធ្វើការចុះផ្សព្វផ្សាយអំពីបេសកកម្មរបស់ខ្លួន ដល់អាជ្ញាធរមូលដ្ឋានថ្នាក់ភូមិ-ឃុំ ក្នុងមូលដ្ឋានស្រុកមោងឫស្សី ខេត្តបាត់ដំបង
អាជ្ញាធរជាតិដោះស្រាយវិវាទក្រៅប្រព័ន្ធតុលាការ អ.ដ.ក. បានធ្វើការចុះផ្សព្វផ្សាយអំពីបេសកកម្មរបស់ខ្លួន ដល់អាជ្ញាធរមូលដ្ឋានថ្នាក់ភូមិ-ឃុំ ក្នុងមូលដ្ឋានស្រុកមោងឫស្សី ខេត្តបាត់ដំបង
-----------------------
ស្រុកមោងឫស្សី÷ នាថ្ងៃទី២៦-២៧-២៨ ខែមីនា ឆ្នាំ២០២៥ តាមការចាត់តាំងរបស់ ឯកឧត្តម យ៉ម ផារ៉ូត អគ្គលេខាធិការនៃ អ.ដ.ក., ឯកឧត្តម សុខ បូរ៉ា អគ្គលេខាធិការរងនៃ អ.ដ.ក. និង សហការី បានធ្វើការចុះផ្សព្វផ្សាយអំពីបេសកកម្មរបស់អាជ្ញាធរជាតិដោះស្រាយវិវាទក្រៅប្រព័ន្ធតុលាការ និង យុទ្ធនាការ “មោងឫស្សីគ្មានវិវាទ” នៅតាមបណ្តារដ្ឋបាលឃុំទាំង៩ ក្នុងស្រុកមោងឫស្សី ដោយមានការចូលរួមពី មេឃុំ, សមាជិកក្រុមប្រឹក្សាឃុំ, មេប៉ុស្តិ៍រដ្ឋបាល, ស្មៀនឃុំ និងមេភូមិ-អនុភូមិ ដែលអ្នកចូលរួមសរុបទាំង ៩ ឃុំ ប្រមាណជិត ២៣០ នាក់។
ក្នុងសកម្មភាពនេះ ក្រុមការងារ បាន (១)-បញ្ជ្រាបការយល់អំពីការសម្រុះសម្រួលផ្សះផ្សាវិវាទក្រៅប្រព័ន្ធតុលាការ, (២)-ការប្រឹក្សាយោបល់ដោះស្រាយទុក្ខកង្វល់របស់ប្រជាពលរដ្ឋ និងអាជ្ញាធរមូលដ្ឋានលើបញ្ហាការអនុវត្តច្បាប់ និង (៣)-ការទទួលសំណុំរឿងដែលមានភាពស្មុគស្មាញរ៉ាំរ៉ៃមកទទួលធ្វើការដោះស្រាយជូនប្រជាពលរដ្ឋ តាមរយៈ អ.ដ.ក.។
