អាជ្ញាធរជាតិដោះស្រាយវិវាទក្រៅប្រព័ន្ធតុលាការ ( អ.ដ.ក.) និង សមាគមកម្មសិទ្ធិបញ្ញាកម្ពុជា បានសហការរៀបចំសិក្ខាសាលាស្តីពី “ការដោះស្រាយវិវាទកម្មសិទិ្ធបញ្ញា តាមយន្តការផ្សះផ្សា
អាជ្ញាធរជាតិដោះស្រាយវិវាទក្រៅប្រព័ន្ធតុលាការ ( អ.ដ.ក.) និង សមាគមកម្មសិទ្ធិបញ្ញាកម្ពុជា បានសហការរៀបចំសិក្ខាសាលាស្តីពី “ការដោះស្រាយវិវាទកម្មសិទិ្ធបញ្ញា តាមយន្តការផ្សះផ្សា"
-----------------------------
ថ្ងៃអង្គារ ៣កើត ខែពិសាខ ឆ្នាំម្សាញ់ សប្តស័ក ព.ស.២៥៦៨ ត្រូវនឹងថ្ងៃទី២៩ ខែមេសាឆ្នាំ២០២៥ ដោយទទួលការអនុញ្ញាតដ៏ខ្ពង់ខ្ពស់ពី ឯកឧត្តមឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធាន អ.ដ.ក., ឯកឧត្តម យ៉ម ផារ៉ូត ប្រតិភូរាជរដ្ឋាភិបាល និងជាអគ្គលេខាធិការនៃ អគ្គលេខាធិការដ្ឋាននៃ អ.ដ.ក. បានអញ្ជើញជាអធិបតី ក្នុងសិក្ខាសាលាស្តីពី “ការដោះស្រាយវិវាទកម្មសិទ្ធិបញ្ញា តាមយន្តការផ្សះផ្សា" ។
សិក្ខាសាលានេះ ក៏មានការអញ្ជេីញចូលរួមពីតំណាងនៃក្រសួង-ស្ថាប័នពាក់ព័ន្ធ រួមមាន : ក្រសួងពាណិជ្ជកម្ម, ក្រសួងឧស្សាហកម្ម បច្ចេកវិទ្យា និងនវានុវត្ត, ក្រសួងវប្បធម៌ និងវិចិត្រសិល្បៈ, សមាគមកម្មសិទ្ធិបញ្ញាកម្ពុជា និងមជ្ឈមណ្ឌលស្រាវជ្រាវច្បាប់ចិន-អាស៊ាន និងមន្ត្រីអនុវត្តច្បាប់ មេធាវី ព្រមទាំងអ្នកសិក្សាស្រាវជ្រាវច្បាប់ផ្នែកកម្មសិទ្ធិបញ្ញា សរុបប្រមាណជា ១៣០ រូប។
សិក្ខាសាលានេះត្រូវបានរៀបចំក្នុងគោលបំណងសំខាន់ដេីម្បីផ្សព្វផ្សាយ និងលេីកកម្ពស់ការយល់ដឹងអំពីយន្តការដោះស្រាយវិវាទកម្មសិទ្ធិបញ្ញានៅកម្ពុជា ពិសេស យន្តការដោះស្រាយវិវាទដែលធ្វេីទ្បេីងដោយអាជ្ញាធរជាតិដោះស្រាយវិវាទក្រៅប្រព័ន្ធតុលាការ ដែលជាស្ថាប័នថ្នាក់ជាតិថ្មីមួយ។
