អាជ្ញាធរជាតិដោះស្រាយវិវាទក្រៅប្រព័ន្ធតុលាការបានរៀបចំដំណើរការនៃការសម្ភាសជ្រើសរើសមន្ត្រីជាប់កិច្ចសន្យា ជំនាន់ទី២ នៃអាជ្ញាធរជាតិដោះស្រាយវិវាទក្រៅប្រព័ន្ធតុលាការ (អ.ដ.ក.) ដំណាក់កាលទី១
អាជ្ញាធរជាតិដោះស្រាយវិវាទក្រៅប្រព័ន្ធតុលាការបានរៀបចំដំណើរការនៃការសម្ភាសជ្រើសរើសមន្ត្រីជាប់កិច្ចសន្យា ជំនាន់ទី២ នៃអាជ្ញាធរជាតិដោះស្រាយវិវាទក្រៅប្រព័ន្ធតុលាការ (អ.ដ.ក.) ដំណាក់កាលទី១
---------------
ថ្ងៃអង្គារ ៨កើត ខែជេស្ឋ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៣ ខែមិថុនា ឆ្នាំ២០២៥ អាជ្ញាធរជាតិដោះស្រាយវិវាទក្រៅប្រព័ន្ធតុលាការ បានរៀបចំដំណើរការសម្ភាសជ្រើសរើសមន្ត្រីជាប់កិច្ចសន្យា ជំនាន់ទី២ នៃ អ.ដ.ក. ដំណាក់កាលទី១ ក្រោមការដឹកនាំរបស់ ឯកឧត្តមបណ្ឌិត ជិន ម៉ាលីន អនុប្រធានប្រចាំការនៃ អ.ដ.ក. និងជាប្រធានគណៈកម្មការចំពោះកិច្ច ដែលប្រព្រឹត្តធ្វើនៅបណ្ឌិត្យសភាភូមិន្ទយុត្តិធម៌កម្ពុជា ។
កិច្ចដំណើការនៃការសម្ភាសជ្រើសរើសមន្ត្រីជាប់កិច្ចសន្យា ជំនាន់ទី២ នៃ អ.ដ.ក. ត្រូវបានធ្វើឡើងចំពោះបេក្ខជនដែលបានដាក់ពាក្យស្នើសុំចូលជាមន្ត្រីជាប់កិច្ចសន្យានៃ អ.ដ.ក. ចំនួន ២២១ រូប លើវិញ្ញាសារសួរផ្ទាល់មាត់ ពាក់ព័ន្ធនីតិរដ្ឋធម្មនុញ្ញ, នីតិរដ្ឋប្បវេណី, នីតិរដ្ឋបាលសាធារណៈ, អាជ្ញាធរជាតិដោះស្រាយវិវាទក្រៅប្រព័ន្ធតុលាការ និងយន្តការដោះស្រាយវិវាទនៅកម្ពុជា។
បេក្ខជនដែលបានជាប់ក្នុងការសម្ភាសដំណាក់កាលទី១ នេះ នឹងត្រូវឆ្លងកាត់ការសម្ភាស នៅដំណាក់កាលទី ២ ដែលនឹងដឹកនាំផ្ទាល់ដោយ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធានអាជ្ញាធរជាតិដោះស្រាយវិវាទក្រៅប្រព័ន្ធតុលាការ។
