លោកជំទាវ ជា វាសនា រដ្ឋលេខាធិការក្រសួងយុត្តិធម៌ និងជាសមាជិក អ.ដ.ក. បានអញ្ជើញជាអធិបតីក្នុងពិធីបើកវគ្គបណ្ដុះបណ្ដាលស្ដីពី "ជំនាញមូលដ្ឋានសង្គ្រោះបឋមផ្លូវចិត្ត និងការថែទាំខ្លួន"
លោកជំទាវ ជា វាសនា រដ្ឋលេខាធិការក្រសួងយុត្តិធម៌ និងជាសមាជិក អ.ដ.ក. បានអញ្ជើញជាអធិបតីក្នុងពិធីបើកវគ្គបណ្ដុះបណ្ដាលស្ដីពី "ជំនាញមូលដ្ឋានសង្គ្រោះបឋមផ្លូវចិត្ត និងការថែទាំខ្លួន"
-----------------------
នៅថ្ងៃសោរ៍ ១១រោច ខែជេស្ឋ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២១ ខែមិថុនា ឆ្នាំ២០២៥ ដោយទទួលការចាត់តាំងដ៏ខ្ពង់ខ្ពស់របស់ ឯកឧត្ដមឧបនាយករដ្ឋមន្រ្តី រដ្ឋមន្រ្តីក្រសួងយុត្តិធម៌ និងជាប្រធាន អ.ដ.ក., លោកជំទាវ ជា វាសនា រដ្ឋលេខាធិការក្រសួងយុត្តិធម៌ និងជាសមាជិក អ.ដ.ក. បានអញ្ជើញជាអធិបតីក្នុងពិធីបើកវគ្គបណ្ដុះបណ្ដាលស្ដីពី "ជំនាញមូលដ្ឋានសង្គ្រោះបឋមផ្លូវចិត្ត និងការថែទាំខ្លួន"។ ក្នុងពិធីនេះ ក៏មានការអញ្ជើញចូលរួមពីសំណាក់ ឯកឧត្តម សុខ បូរ៉ា អគ្គលេខាធិការរងនៃ អ.ដ.ក., ឯកឧត្ដម លាវ ពិសិដ្ឋ អគ្គលេខាធិការរងនៃ អ.ដ.ក., តំណាងអង្គការចិត្តសង្គមអន្តរវប្បធម៌កម្ពុជា, តំណាងអង្គការនារីដើម្បីសន្តិភាព និងមន្រ្តីសម្រុះសម្រួលដោះស្រាយវិវាទនៃ អ.ដ.ក. សរុបប្រមាណ ៥០ រូប។
វគ្គបណ្ដុះបណ្ដាលនេះ ត្រូវបានរៀបចំឡើងដោយមានកិច្ចសហការរវាង អាជ្ញាធរជាតិដោះស្រាយវិវាទក្រៅប្រព័ន្ធតុលាការ, អង្គការចិត្តសង្គមអន្តរវប្បធម៌កម្ពុជា (TPO) និងអង្គការនារីដើម្បីសន្តិភាព (WPM) ជូនដល់មន្រ្តីសម្រុះសម្រួលដោះស្រាយវិវាទនៃ អ.ដ.ក. ក្នុងគោលបំណងសំខាន់ៗចំនួន ៣ ដូចខាងក្រោម៖
ទី១-បង្កើនជំនាញដល់សិក្ខាកាម លើផ្នែកសំខាន់ៗ នៃស្ថានភាពបញ្ហាផ្លូវចិត្ត ដែលបណ្តាលមកពីបញ្ហាសុខភាពផ្លូវចិត្ត និងបញ្ហាចិត្តសង្គម
ទី២-ចេះប្រើប្រាស់វិធីសាស្ត្រអប់រំផ្អែកលើ
សមត្ថភាព ដែលសង្កត់ធ្ងន់លើចំណេះដឹង ជំនាញ ឥរិយាបទ និងអាកប្បកិរិយា ដែលចាំបាច់សម្រាប់ការអនុវត្តនៅកន្លែងការងារប្រកបដោយសុវត្ថិភាព និង
ទី៣-ជួយឱ្យសមត្ថភាពស្នូលសម្រាប់អ្នកផ្តល់សេវាផ្នែកច្បាប់ មានលទ្ធភាពបំពេញការងារ និងស្វែងយល់ពីរបៀបថែទាំសុខភាពផ្លូវចិត្តដែលរងការប៉ះទង្គិចផ្លូវចិត្ត ពីតួនាទី និងវិជ្ជាជីវៈផ្ទាល់ខ្លួន។
