ឯកឧត្តម យ៉ម ផារ៉ូត ប្រតិភូរាជរដ្ឋាភិបាល និងជាអគ្គលេខាធិការ នៃអគ្គលេខាធិការដ្ឋាន នៃអាជ្ញាធរជាតិដោះស្រាយវិវាទក្រៅប្រព័ន្ធតុលាការ បានអញ្ជើញចូលរួមក្នុងកម្មវិធីចែករំលែកចំណេះដឹងស្តីពី "យន្តការដោះស្រាយវិវាទក្រៅប្រព័ន្ធតុលាការនៅកម្ពុជា"
ឯកឧត្តម យ៉ម ផារ៉ូត ប្រតិភូរាជរដ្ឋាភិបាល និងជាអគ្គលេខាធិការ នៃអគ្គលេខាធិការដ្ឋាន នៃអាជ្ញាធរជាតិដោះស្រាយវិវាទក្រៅប្រព័ន្ធតុលាការ បានអញ្ជើញចូលរួមក្នុងកម្មវិធីចែករំលែកចំណេះដឹងស្តីពី "យន្តការដោះស្រាយវិវាទក្រៅប្រព័ន្ធតុលាការនៅកម្ពុជា"
-------------------------------------
នៅថ្ងៃសុក្រ ទី៤ ខែកក្កដា ឆ្នាំ២០២៥ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធាន អ.ដ.ក. និងតបតាមការអញ្ជេីញរបស់ធនាគារជាតិនៃកម្ពុជា, ឯកឧត្តម យ៉ម ផារ៉ូត ប្រតិភូរាជរដ្ឋាភិបាល និងជាអគ្គលេខាធិការ នៃ អ.ដ.ក. បានដឹកនាំសហការីចូលរួមធ្វេីបទឧទ្ទេសនាមចែករំលែកចំណេះដឹងលេីប្រធានបទស្តីពី "យន្តការដោះស្រាយវិវាទក្រៅប្រព័ន្ធតុលាការនៅកម្ពុជា" ដែលរៀបចំដោយធនាគារជាតិនៃកម្ពុជា ។
កម្មវិធីនេះ មានវត្តមានចូលរួមពីសំណាក់ឯកឧត្តម ទ្បាយ សុខហេង អគ្គនាយកបទប្បញ្ញត្តិ និងបរិយាបន្នហិរញ្ញវត្ថុ និងជាឧបការីទេសាភិបាលធនាគារជាតិនៃកម្ពុជា ព្រមទាំងថ្នាក់ដឹកនាំ និងមន្ត្រីនៃធនាគារជាតិនៃកម្ពុជា ចំនួនប្រមាណជា ១៥០នាក់។
នៅក្នុងកម្មវិធីនេះ លោក យន់ សុវណ្ណារ៉ា ប្រធាននាយកដ្ឋានស្រាវជ្រាវ បច្ចេកទេស និងកិច្ចការច្បាប់នៃអគ្គលេខាធិការដ្ឋាន អ.ដ.ក. ក៏បានធ្វេីបទបង្ហាញអំពី "យន្តការដោះស្រាយវិវាទក្រៅប្រព័ន្ធតុលាការដោយ អ.ដ.ក " ជូនដល់អង្គពិធី ព្រមទាំងមានការពិភាក្សាសំណួរ-ចម្លេីយលេីប្រធានបទខាងលេីយ៉ាងផុសផុលផងដែរ។
