អ.ដ.ក. បានចុះសម្របសម្រួលអនុវត្តនូវលទ្ធផលនៃកំណត់ហេតុព្រមព្រៀងបញ្ចប់វិវាទ ដើម្បីបញ្ចប់វិវាទពាក់ព័ន្ធនឹងមរតក ដែលអូសបន្លាយអស់រយៈពេល ៥ ឆ្នាំ ជាស្ថាពរ
អ.ដ.ក. បានចុះសម្របសម្រួលអនុវត្តនូវលទ្ធផលនៃកំណត់ហេតុព្រមព្រៀងបញ្ចប់វិវាទ ដើម្បីបញ្ចប់វិវាទពាក់ព័ន្ធនឹងមរតក ដែលអូសបន្លាយអស់រយៈពេល ៥ ឆ្នាំ ជាស្ថាពរ
====================
ខេត្តកំពង់ចាម៖ នាថ្ងៃចន្ទ ទី៤ ខែសីហា ឆ្នាំ២០២៥, ឯកឧត្តម មាស សុកែវ អនុរដ្ឋលេខាធិការក្រសួងយុត្តិធម៌ និងជាសមាជិក អ.ដ.ក. អមដោយ លោក ហួរ សុវឌ្ឍនា មន្ត្រីសម្រុះសម្រួលដោះស្រាយវិវាទនៃ អ.ដ.ក. បានសហការជាមួយអាជ្ញាធរមូលដ្ឋានពាក់ព័ន្ធធ្វើការសម្របសម្រួលអនុវត្តនូវលទ្ធផលនៃកំណត់ហេតុព្រមព្រៀងបញ្ចប់វិវាទ ដើម្បីបញ្ចប់វិវាទពាក់ព័ន្ធនឹងមរតក ដែលអូសបន្លាយអស់រយៈពេល ៥ ឆ្នាំមកហើយ ជូនប្រជាពលរដ្ឋរស់នៅឃុំពាមជីកង ស្រុកកងមាស ខេត្តកំពង់ចាម ដើម្បីបញ្ចប់វិវាទនេះជាស្ថាពរ។
ជាការកត់សម្គាល់ គូភាគីបានចូលរួមអនុវត្តដោយស្ម័គ្រចិត្តតាមការព្រមព្រៀងរបស់គូភាគី និងបានបង្ហាញទឹកចិត្តសប្បាយរីករាយ ដោយអាចរក្សាបានទ្បេីងវិញនូវទំនាក់ទំនងល្អជាមួយគ្នា ក្នុងនាមជាក្រុមគ្រួសារតែមួយ ក្រោយពេលវិវាទដ៏រ៉ាំរ៉ៃមួយនេះ ត្រូវបានដោះស្រាយបញ្ចប់ជាស្ថាពរ។
