អគ្គលេខាធិការដ្ឋាននៃ អ.ដ.ក. បានរៀបចំកិច្ចប្រជុំត្រួតពិនិត្យការផ្តល់សេវាដោះស្រាយវិវាទក្រៅប្រព័ន្ធតុលាការ ជាមួយតំណាងស្ថាប័នធនាគារ និងគ្រឹះស្ថានមីក្រូហិរញ្ញវត្ថុ
អគ្គលេខាធិការដ្ឋាននៃ អ.ដ.ក. បានរៀបចំកិច្ចប្រជុំត្រួតពិនិត្យការផ្តល់សេវាដោះស្រាយវិវាទក្រៅប្រព័ន្ធតុលាការ ជាមួយតំណាងស្ថាប័នធនាគារ និងគ្រឹះស្ថានមីក្រូហិរញ្ញវត្ថុ
----------------
នារសៀល ថ្ងៃពុធ ៣រោច ខែស្រាពណ៍ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១៣ ខែសីហា ឆ្នាំ២០២៥, ឯកឧត្តម យ៉ម ផារ៉ូត ប្រតិភូរាជរដ្ឋាភិបាល និងជាអគ្គលេខាធិការនៃ អ.ដ.ក. បានដឹកនាំកិច្ចប្រជុំត្រួតពិនិត្យលេីការផ្តល់សេវាដោះស្រាយវិវាទរបស់ អ.ដ.ក. ជាមួយតំណាងស្ថាប័នធនាគារ និងគ្រឹះស្ថានមីក្រូហិរញ្ញវត្ថុ ដែលបាននិងកំពុងប្រេីប្រាស់សេវាដោះស្រាយវិវាទរបស់ អ.ដ.ក. ។
កិច្ចប្រជុំនេះ ត្រូវបានរៀបចំឡើងដេីម្បីពិនិត្យ និងពិភាក្សាលេីចំណុចខ្លាំង និងដោះស្រាយនូវបញ្ហាប្រឈមមួយចំនួន ពាក់ព័ន្ធនឹងការផ្តល់សេវាដោះស្រាយវិវាទរបស់ អ.ដ.ក. សំដៅធ្វេីឱ្យប្រសេីរទ្បេីងនូវគុណភាព និងប្រសិទ្ធភាពនៃការផ្តល់សេវា ក៏ដូចជាដេីម្បីអាចឆ្លេីយតបបាននឹងតម្រូវការសេវាមួយដ៏ល្អប្រសេីរសម្រាប់ប្រជាពលរដ្ឋ ។
