អាជ្ញាធរជាតិដោះស្រាយវិវាទក្រៅប្រព័ន្ធតុលាការ សហការជាមួយអង្គការនារីដើម្បីសន្តិភាព និងរដ្ឋបាលខេត្តមណ្ឌលគិរី រៀបចំនូវវគ្គបណ្តុះបណ្តាលផ្សព្វផ្សាយ ស្តីពី "ការសម្រុះសម្រួលវិវាទគ្រួសារប្រកបដោយការឆ្លើយតបយេនឌ័រ" ជូនដល់មន្រ្តីនៃរដ្ឋបាលក្រុង ស្រុក ឃុំ សង្កាត់ ក្នុងខេត្តមណ្ឌលគិរី
អាជ្ញាធរជាតិដោះស្រាយវិវាទក្រៅប្រព័ន្ធតុលាការ សហការជាមួយអង្គការនារីដើម្បីសន្តិភាព និងរដ្ឋបាលខេត្តមណ្ឌលគិរី រៀបចំនូវវគ្គបណ្តុះបណ្តាលផ្សព្វផ្សាយ ស្តីពី "ការសម្រុះសម្រួលវិវាទគ្រួសារប្រកបដោយការឆ្លើយតបយេនឌ័រ" ជូនដល់មន្រ្តីនៃរដ្ឋបាលក្រុង ស្រុក ឃុំ សង្កាត់ ក្នុងខេត្តមណ្ឌលគិរី
===============
ខេត្តមណ្ឌលគិរី៖ ថ្ងៃទី១៧ ខែវិច្ឆិកា ឆ្នាំ២០២៥ អាជ្ញាធរជាតិដោះស្រាយវិវាទក្រៅប្រព័ន្ធតុលាការ សហការជាមួយអង្គការនារីដើម្បីសន្តិភាព និងរដ្ឋបាលខេត្តមណ្ឌលគិរី រៀបចំនូវវគ្គបណ្តុះបណ្តាលផ្សព្វផ្សាយ ស្តីពី "ការសម្រុះសម្រួលវិវាទគ្រួសារប្រកបដោយការឆ្លើយតបយេនឌ័រ" ជូនដល់មន្រ្តីនៃរដ្ឋបាលក្រុង ស្រុក ឃុំ សង្កាត់ ក្នុងខេត្តមណ្ឌលគិរី។
ពិធីបេីកវគ្គបណ្តុះបណ្តាលនេះ មានការអញ្ជើញចូលរួមជាគណៈអធិបតីពីសំណាក់ ឯកឧត្តម ចាន់ រតនា អភិបាលរងខេត្ត, អ្នកស្រី គ្រី ស៊ុយហៀង នាយិការប្រតិបត្តិនៃអង្គការនារីដើម្បីសន្តិភាព និងលោក អៀម ប៊ុនលី ប្រធានការិយាល័យតំណាង អ.ដ.ក. ប្រចាំខេត្តមណ្ឌលគិរី និងដោយមានសិក្ខាកាមចូលរួមជាមន្រ្តីនៃរដ្ឋបាលក្រុង ស្រុក ឃុំ សង្កាត់ ក្នុងខេត្តមណ្ឌលគិរី សរុបចំនួន ៦០ រូប។
វគ្គបណ្តុះបណ្តាលរយៈពេល ២ ថ្ងៃនេះ គឺកើតចេញពីអនុស្សរណៈនៃការយោគយល់គ្នារវាង អ.ដ.ក. និងរដ្ឋបាលខេត្តមណ្ឌលគិរី និងអង្គការនារីដើម្បីសន្តិភាព ក្នុងគោលបំណងផ្សព្វផ្សាយបង្កើនការយល់ដឹងពីគោលការណ៍គន្លឹះក្នុងការសម្រុះសម្រួលវិវាទគ្រួសារ ប្រកបដោយការឆ្លើយតបយេនឌ័រ កិច្ចការពារផ្លូវច្បាប់និងការផ្តល់សេវាជំនួយផ្សេងៗក្នុងករណីដែលមិនអាចសម្រុះសម្រួលបាន និងការផ្សព្វផ្សាយលើកកម្ពស់យន្តការដោះស្រាយវិវាទរបស់ អ.ដ.ក. ជូនដល់អាជ្ញាធរក្រុង ស្រុក ឃុំ សង្កាត់ ដែលជាប្រតិបត្តិករដោះស្រាយវិវាទនៅមូលដ្ឋាន។
